«Росарио Сентрал» футболчиси Анхел ди Мария яқин келажакда мураббийлик фаолиятини бошлаш ниятида эканлигини маълум қилди. Жаҳон чемпиони бўлган аргентиналик юлдузнинг амалдаги шартномаси келаси йил июн охирида тугайди, бироқ уни яна бир йилга узайтириш имконияти мавжуд.
Ҳозирча Ди Мария қачон футболчилик фаолиятини якунлашини билмайди, аммо ўзини келажакда мураббий сифатида кўрмоқда. «Мен Леандро Паредес билан бирга мураббийлар штаби яратиш устида ишламоқдаман.
Лицензия олиш учун мураббийлик курсларини ўтаяпман. Бизнинг жамоаларимиз ҳар доим 4-3-3 схемаси бўйича ўйнайди, бу ҳақда биз Леандро билан келишиб олдик.
Фаолиятимиз тугаганидан сўнг, 'Росарио Сентрал' ва 'Бока Хуниорс'ни бошқаришни орзу қиламиз», – дея Ди Мариянинг сўзларини The Touchline нашри келтирмоқда. 37 ёшли футболчи жорий йил июль ойида «Бенфика»дан Росарио клубига кўчиб ўтган эди.
Меҳмон гуруҳидаги фойдаланувчилар ушбу мақолага изоҳ қолдира олмайди.
