Уругвай терма жамоасининг собиқ дарвозабони Фернандо Муслера, илгари "Лацио" ва "Галатасарай" клублари сафида тўп сурган, Аргентинадаги чемпионатда ҳакамлик даражасидан норози эканлигини билдирди. Айни пайтда 39 ёшли футболчи "Эстудиантес" клубида ўйнамоқда.
Клаусура турнирининг 14-турида Муслеранинг жамоаси "Бока Хуниорс"га мағлуб бўлди. Ушбу ўйинда ҳар икки томонга битта пенальти тайинланди ва "Эстудиантес" сафидан бир футболчи майдондан четлатилди.
"Мен жамоамизга нисбатан аниқ ҳакамлик хатоларини кўриб турибман. Бу маҳаллий футболнинг тозалиги ҳақида шубҳа уйғотади.
Бу ерга келган қисқа вақт ичида барчаси аён бўлди. Бу ҳолат жуда ғашимни келтиради, чунки биз кўп меҳнат қиламиз, аммо якунда бундай қарорлар қабул қилиниши бизга оғриқ етказади," - дейди дарвозабон ESPN нашрига берган интервьюсида.
"Эстудиантес" А гуруҳида 21 очко билан бешинчи ўринда бормоқда, "Бока Хуниорс" эса 23 очко билан пешқадамлик қилмоқда.
Меҳмон гуруҳидаги фойдаланувчилар ушбу мақолага изоҳ қолдира олмайди.
