Бавария футбол клуби фахрий президенти Ули Хёнесс жамоанинг жорий мавсумдаги иштироклари ҳақида фикр билдирди. Мюнхенликлар Бундеслигада ишончли пешқадамлик қилмоқда ва Чемпионлар лигасида ҳам ҳайратланарли ўйинлар намойиш этмоқда.
Яқинда Лондонда "Арсенал"га қарши ўйинда 1:3 ҳисобига мағлуб бўлишди. Бу натижа Венсан Компани жамоаси учун жорий мавсумдаги биринчи мағлубият бўлди.
"Бу мавсумда биз энг кучли жамоалар билан рақобатлаша олиш қобилиятимизни исботладик. Биз дунёнинг энг яхши клубларидан бири бўлган "Челси"ни мағлуб этдик, Парижда ғалаба қозондик, аммо Лондонда ажойиб ўйин кўрсатган "Арсенал"га муносиб равишда ютқаздик.
Мен Баварияни дунёнинг уч ёки беш энг яхши жамоалари қаторига қўшган бўлардим", – деди Хёнесс Bayern & Germany нашрига берган интервьюсида. 3-декабр куни немис гранди мамлакат кубоги доирасида "Union"га қарши баҳс олиб боради.
Меҳмон гуруҳидаги фойдаланувчилар ушбу мақолага изоҳ қолдира олмайди.
