Мадриднинг "Реал" клуби Ла Лигада ғалаба қозона олмади, бу сафар “Жирона”га қарши 1:1 ҳисобидаги дуранг билан майдондан қайтишди. Бошқа турнирлардаги натижалардан сўнг мадридликлар жадвалнинг биринчи поғонасини "Барселона"га топширишди. Килиан Мбаппе аниқ гол уриши билан жамоа мағлубиятдан сақланиб қолди, лекин ғалаба учун керакли имкониятлардан фойдаланишда муваффақиятга эришилмади.
Журналист Пепе Альвареснинг хабар беришича, мадридликлар бир неча турдаги ғалабасиз сериядан кейин бош мураббий Хаби Алонсони истеъфога чиқариш имконини кўриб чиқмоқда. Алонсоннинг тақдири яқин орадаги ўйинлар натижасига боғлиқ бўлади.
"Реал" раҳбариятининг диққат марказида эса Зинедин Зиданнинг қайта келиши ҳақидаги эҳтимол. Зидан 2021 йилда "Реал"дан кетганидан бери ишсиз. Мадрид клубида ҳар икки муддатда жамоани муваффақиятли бошқарган Зиданнинг қайтиши мухлислар ва клуб раҳбарияти учун катта умидлар уйғотиши мумкин.
Зиданнинг аввалги бошқаруви даврида “Реал” УЕФА Чемпионлар Лигасида кетма-кет уч марта (2016, 2017, 2018) ғалаба қозонган ягона мураббий сифатида тарихга кирган. Зиданнинг қайтиши "Реал" учун янги давр бошланиши ва кучли ғалабаларга интилиш деб қабул қилиниш эҳтимоли баланд.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
