Лондоннинг "Арсенал" клуби бош мураббийи Микел Артета жамоа ярим ҳимоячиси Деклан Райс ҳақида фикр билдирди. "У сўнгги икки йил ичида, хусусан, ўтган мавсумда жуда барқарор ўйнади.
Муҳим ўйинлар ва ҳал қилувчи вазиятларда у ўзини тобора яхшироқ кўрсатмоқда, бу эса жуда муҳим. Катта клубда бундай рольни ижро этиш истаги табиий ва мен унинг бу вазифани аъло даражада бажараётганидан хурсандман", – деди Артета "канонирлар"нинг расмий сайтига берган интервьюсида.
Деклан Райс "Арсенал" таркибига 2023 йил ёзида "Вест Хэм"дан ўтиб қўшилган эди. Шундан буён у жамоанинг марказий ярим ҳимоячисида алмаштириб бўлмайдиган футболчига айланган ва деярли барча ўйинларда қатнашиб келади.
Жорий мавсумда Райс жами 20 расмий учрашувда майдонга тушиб, 2 гол урди ва 6 голга ассистентлик қилди.
Меҳмон гуруҳидаги фойдаланувчилар ушбу мақолага изоҳ қолдира олмайди.
