Ўтган дам олиш кунлари "Ливерпуль" сафарда "Вест Хем"ни Мохамед Салоҳсиз мағлубиятга учратди – мисрлик футболчи ўша учрашувда захирада қолиб, 90 дақиқа давомида майдонга тушмади. Чоршанба куни "Сандерленд"га қарши ўйинда ҳам Салоҳ асосий таркибга киритилмади.
Фақатгина иккинчи бўлимда мураббий Арне Слот ҳужумни кучайтириш мақсадида Салоҳни ўйинга қўшди. Учрашувнинг биринчи ярми голсиз якунланди, гарчи мерсисайдликлар ташаббусга эга бўлишган бўлса ҳам.
"Энфилд"да ҳисоб ўйиннинг иккинчи бўлимининг ўрталарида очилди: Сандерлен футболчиси Чемсдин Талби жарима майдончасидан ташқарида зарба йўллаб, Алиссонни доғда қолдирди. "Ливерпуль" 81-дақиқада ҳисобни тенглаштира олди.
Флориан Вирц рақиб жарима майдонида тўпни қабул қилиб, бир неча ҳаракатдан кейин зарба берди. Тўп Норди Мукиелега тегиб, дарвоза тўрига кирди.
Арне Слотнинг жамоаси ғалаба учун курашни давом эттирди, аммо ўйинда бошқа ҳисоб ўзгармади ва учрашув 1:1 ҳисобида тугади. АПЛ турнир жадвалида "Ливерпуль" 22 очко билан саккизинчи ўринда бормоқда, "Сандерленд" эса 23 очко билан олтинчи ўринни эгаллаб турибди.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг Мавзуга оид янгиликлар
Маълумот
Меҳмон гуруҳидаги фойдаланувчилар ушбу мақолага изоҳ қолдира олмайди.
Меҳмон гуруҳидаги фойдаланувчилар ушбу мақолага изоҳ қолдира олмайди.
