Италиянинг афсонавий футболчиси Франческо Тотти Италия терма жамоасидаги жорий вазиятга ўзининг муносабатини билдирди. У ўзининг кўп йиллар давомидаги тажрибаси билан жамоанинг жорий ҳолатини аниқ баҳолади ва келажакдаги муваффақиятлар учун умид билдирди.
Тотти, терма жамоа муаммолари ҳақида гапирар экан, "Нега бу ҳолатга келдик? Ростини айтсам, билмайман... Умид қиламанки, Гаттузо бизни Жаҳон чемпионатига олиб боради, чунки Италиясиз яна бир Жаҳон чемпионати — бу фожиа бўларди", — деди.
Футболнинг жисмоний тайёргарликка кўпроқ эътибор қаратилаётганига ишора қилган Тотти, ўйинларнинг сифатининг пасайганига таъриф берди. "Айни пайтда футболимизда улкан бўшлиқ бор. Мен ўйнаган пайтда тонналаб истеъдодлар, тонналаб чемпионлар бор эди. Энди футбол жуда бошқача; биз истеъдоддан кўра кўпроқ жисмоний тайёргарликка эътибор қаратамиз!" — деди у.
Унинг фикрича, футболчиларнинг истеъдоди ҳамда техник даражасига эътибор берилмаса, бу ортиқча хавф туғдиради. Тотти, шунингдек, "Бу ачинарли, чунки одамлар стадионда завқланишни, ажойиб ўйинларни кўришни хоҳлашади. Умид қиламанки, шунча кўп истеъдодлар яна ривожлана олади" — деб кўрсатди.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
