Париж Сен-Жармен машғулот майдонида кутилмаган ҳолат кузатилди. Клубнинг улкан экранида жамоанинг тўлиқ таркиби ва тактик кўрсатмалари очиқ тарзда намойиш этилди. Бу техник хатолик эмаслиги, балки жараён атайлаб ташкил қилингандек кўринди.
Экранда кўрсатилган таркиб анча ғайриоддий эди. Усмон Дембеле таянч ярим ҳимоячи сифатида, Фабиан Руиз эса ҳужумчи сифатида кўрсатилган. Шунингдек, яна бир нечта ноодатий жойлашувлар тасвирда акс этди.
Мутахассислар фикрича, бу ҳолат бош мураббий Луис Энрикенинг рақибларни психологик жиҳатдан чалғитиш усули бўлиши мумкин. Атайлаб нотўғри тактик жойлашувни кўрсатиш орқали рақибларни тайёргарлик жараёнида адаштириш мақсад қилинган бўлиши эҳтимолдан холи эмас.
Агар бу усул айнан чалғитиш учун қўлланган бўлса, Энрике мақсадига эришган кўринади. Воқеа тезда муҳокамаларга сабаб бўлди ва ПСЖнинг навбатдаги ўйинига қизиқишни янада оширди.
Меҳмон гуруҳидаги фойдаланувчилар ушбу мақолага изоҳ қолдира олмайди.
