2026-йилги Жаҳон Чемпионати қуръа ташлаш маросими Вашингтонда бўлиб ўтар экан, ФИФА президенти Жанни Инфантино футболнинг инсонлар ҳаётидаги аҳамияти ҳақида ёрқин баёнот берди. Ташкилот раҳбари футболни миллионлаб мухлисларни бирлаштирувчи умумий ҳиссиётлар тили сифатида таърифлаб, ФИФА орқали дунёга қувонч ва бирдамлик туйғусини улашаётганини таъкидлади.
Инфантино келаётган Жаҳон Чемпионатини нафақат спорт, балки маданий жиҳатдан ҳам тарихдаги энг кенг кўламли ва муҳим воқеа сифатида кўрсатди, бу мусобақа даврида бутун дунёни бирлаштиришга қодир бўлишини айтди. "ФИФА 100 йилдан бери инсоният учун расмий бахт етказиб берувчи ташкилот бўлиб келмоқда.
Бу тарихдаги энг улуғвор Жаҳон Чемпионати, энг катта турнир бўлади", - деди Инфантино. 2026-йилги Жаҳон Чемпионати 11-июндан 19-июлгача давом этади.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
