Мюнхеннинг "Бавария" жамоаси бош мураббийи Венсан Компани ярим ҳимоячи Жамал Мусиянинг майдонга қайтиш вақтини маълум қилди. Бельгиялик мутахассиснинг сўзларига кўра, футболчи Рождество байрамига яқин машғулотларга қайтиши мумкин.
"Мусиянинг тикланиши Девисникидан кўпроқ вақт олади, аммо жараён яхши давом этмоқда. У Рождествога қадар бир неча машғулотларда иштирок эта олади.
2026-йил унинг учун муваффақиятли йил бўлиши мумкин", - деди Компани Bayern & Germany нашрига. 2025/2026-йилги мавсумда Мусияла фақат тўртта ўйинда қатнашди, уларнинг барчаси ёзда АҚШда ўтказилган Клублар ўртасидаги Жаҳон чемпионатида бўлган.
Шундан сўнг, футболчи болдир суяги сингани туфайли узоқ муддатга сафдан чиққан эди. 22 ёшли футболчининг "Бавария" билан амалдаги шартномаси 2030-йилнинг 30-июнига қадар мўлжалланган.
Унинг бозор қиймати 140 миллион еврони ташкил қилади. “Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг Мавзуга оид янгиликлар
Маълумот
Меҳмон гуруҳидаги фойдаланувчилар ушбу мақолага изоҳ қолдира олмайди.
Меҳмон гуруҳидаги фойдаланувчилар ушбу мақолага изоҳ қолдира олмайди.
