АПЛнинг 15-турида “Арсенал” сафарда “Астон Вилла”га 1:2 ҳисобида имкониятни бой берди. Учрашувдан сўнг лондонликлар бош мураббийи Микел Артета ӱйин ҳақида фикр билдириб, мағлубият сабабларини очиқча тилга олди.
Артета аввало рақибни муносиб ўйини учун табриклади:
«Биз бу беллашувда ютқазганимиздан қаттиқ ранжидим, лекин энг аввало “Астон Вилла”ни табриклайман — бугун улар мустаҳкам ва жамоавий ўйин намойиш этди. Биринчи таймда айрим қийинчиликлар бўлди. Айниқса, тўп назоратини қўлга киритар эканмиз, кутилмаган йўқотишларга йўл қўйдик. Уоткинс билан бўлган вазиятда қоида бузилганини эслашим мумкин, қолгани эса жуда кичик деталлар».
Мутахассис иккинчи бўлимдаги ўйиндан мамнунлигини ҳам айтди:
«Иккинчи таймни жуда фаол бошладик. Вазиятлар яратдик, гол уриб ҳисобни тенглаштирдик. Шу пайтда бизда ғалаба ҳисси пайдо бўлди. Рақиб икки марта хавфли индивидуал хатога йўл қўйди — бу эпизодларда улар мағлуб бўлиши ҳам мумкин эди. Бироқ омад улар томонида бўлди. Биз эса яратган аниқ голли имкониятларни голга айлантира олмадик».
Маълумки, ушбу мағлубиятдан кейин “Арсенал” очколарини 33 тада сақлаб қолди ва иккинчи ўриндаги “Манчестер Сити” билан фарқ бор-йўғи 2 очкогача қисқарди. Чемпионлик пойгаси янада қизий бошлади.
Артета жамоаси кейинги турда хатоларни такрорламасликка интилмоқда. Мухлислар эса “Арсенал”нинг қандай жавоб қайтаришини катта қизиқиш билан кутмоқда.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
