11 декабрдан бошлаб, 2026 йилги футбол бўйича Жаҳон чемпионатининг ўйинларига чипталар сотилиши учун навбатдаги – тасодифий танлов босқичи старт олишини эълон қилинди. Футбол мухлислари ФИФАнинг расмий платформаси орқали ариза юбориб, чипта сотиб олиш учун сўров юборишлари мумкин.
Ўзбекистон миллий жамоаси мухлислари махсус «My Team Uzbekistan» бандини танлаб, ўзбек секторларидан чипта сўрови юбориш имкониятига эга. Ариза бериш жараёни 2026 йилнинг 13 январь кунига қадар давом этади.
Аризалар 13 январдан кейин танловга асосан тўғри танланганларга чипталар тақдим этилади. Чипта эгалари 2026 йил февралда тасодифий танлов орқали аниқланади ва тўловлар автоматик равишда аризада кўрсатилган карта маълумотлари орқали амалга оширилади.
Шу билан бирга, чипталарнинг нархи ҳозирча маълум эмас. Нархлар 13 январдан сўнг, чипталар учун ариза бериш босқичи тугагандан кейин белгиланади.
Эслатиб ўтамиз, Ўзбекистоннинг Жаҳон чемпионатидеги ўйинлари қуйидаги режага асосан ўтказилади:
17 июн, Мехико (Мексика), Ўзбекистон – Колумбия
23 июн, Ҳюстон (АҚШ), Португалия – Ўзбекистон
27 июн, Атланта (АҚШ), Саралашдан ўтган жамоа - Ўзбекистон
Шундай қилиб, 2026 йилги Жаҳон чемпионатига чипталар олмоқчи бўлган барча футбол мухлислари учун катта имконият пайдо бўлди!
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
