"Ливерпуль" бош мурабийи Арне Слот жамоасининг ҳужумчиси Муҳаммад Салоҳнинг Европа Чемпионлар Лигасида "Интер"га қарши ўйин қайдномасига киритилмаслигини ёритди. Слотнинг таъкидлашича, бу қарорнинг қабул қилинишида у ҳам иштирок этган, чунки у клубнинг бир қисми ҳисобланади ва спорт директори Ричард Хьюз билан доимий алоқада.
"Клубнинг бир қисми сифатида бу қарорнинг чиқарилишида мен ҳам иштирок этдим. Клуб раҳбарияти билан доимий алоқадаман, лекин ўйинга кимларни олиб кетиш ёки қўймаслик борасидаги сўнгги қарорни мен чиқараман. Лекин бу мен клуб спорт директори Ричард Хьюз билан гаплашмайман дегани эмас. Таркиб борасидаги якуний қарорни мен қабул қиламан. Доимо шундай бўлиб келган" — деди Слот.
Муҳаммад Салоҳ, аввалроқ, "Ливерпуль" ва бош мурабийга нисбатан бир қатор танқидлар билдирганди. Шунинг учун, у "Интер"га қарши ўйинда қайдномадан четлатилди. Ушбу қарор "Ливерпуль"нинг ички жараёнларига нисбатан кайфият ёки келишмовчиликларнинг бир ифодаси сифатида қаралмоқда.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
