Мадриднинг «Атлетико» клуби бош мураббийи Дийего Симеоне Испания чемпионатининг 16-тури доирасида «Валенсия» устидан қўлга киритилган 2:1 ҳисобидаги ғалабадан сўнг учрашув ҳақида фикр билдирди. Мутахассис ўйин мураккаб кечгани ва жамоасидан максимал даражада диққат-эътибор талаб этилганини таъкидлади.
Симеоненинг сўзларига кўра, «Атлетико» кучли ўйин кўрсатган рақибга қарши майдонга тушди. Биринчи бўлимда Александр Серлотда иккита аниқ имконият бўлган, жамоа гол ҳам урган, «Валенсия» эса ўз навбатида хавфли вазият яратган.
Иккинчи бўлимда меҳмонлар ҳисобни тенглаштириб, яна бир бор дарвозага жиддий таҳдид уюштирган. «Бизда Хулиано учун имконият бўлди, кейин битта гол бекор қилинди ва яна бир бор гол урдик.
Биз ғалаба қозониш учун реал имкониятларга эга бўлган жамоага қарши ўйнадик», — деди Симеоне учрашувдан кейин. Мазкур натижадан сўнг «Атлетико» 34 очко жамғариб, Ла Лигада тўртинчи ўринда бормоқда.
Меҳмон гуруҳидаги фойдаланувчилар ушбу мақолага изоҳ қолдира олмайди.
