«Наполи» бош мураббийи Антонио Конте «Милан»га қарши Италия Суперкубоги ярим финали олдидан матбуот анжуманида иштирок этди. Учрашув 18 декабр куни Саудия Арабистони пойтахти Ар-Риёд шаҳрида бўлиб ўтади ва Москва вақти билан соат 22:00 да бошланади.
Конте «Милан» каби жамоаларга қарши ўйнаш алоҳида масъулият эканини таъкидлади. Унинг сўзларига кўра, бу катта анъаналарга эга буюк клуб бўлиб, таркибида кучли футболчилар ва мураббийлар бор.
«Бундай рақиб билан тўқнаш келганингда ўзингни синаб кўриш, қайси даражагача етиб боришимиз мумкинлигини билиш истаги пайдо бўлади. Ўртада соврин тургани барчамиз учун кучли ҳиссий туртки бўлиши керак.
Бу воқеадан ҳам, ўйиндан ҳам завқланишимиз лозим», деди Конте. Унинг фикрларини Sky Sport Italy келтирди.
Мураббий Ромелу Лукакунинг сафга қайтиши жамоа учун муҳимлигини ҳам алоҳида қайд этди. «У харизматик футболчи, индивидуал фазилатлари юқори ва жамоа учун жуда керак.
Жароҳат хавфини камайтириш учун сабр қилишимиз, жисмоний тестлар ўтказиб, унинг қачон хавфсиз тарзда майдонга қайтишини аниқлашимиз зарур», дея қўшимча қилди Конте. «Барчамиз яхши ўйин кўрсатишни, бор кучимизни беришни истаймиз ва бу ерда душанбагча қолиш умидидмиз.
Кучли жамоа ғалаба қозонсин», деди у. Италия Суперкубогининг бошқа ярим финалида 19 декабр куни «Болонья» ва «Интер» ўзаро баҳс олиб боради.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг Мавзуга оид янгиликлар
Маълумот
Меҳмон гуруҳидаги фойдаланувчилар ушбу мақолага изоҳ қолдира олмайди.
Меҳмон гуруҳидаги фойдаланувчилар ушбу мақолага изоҳ қолдира олмайди.
