Дортмунднинг «Боруссия» клуби собиқ футболчиси Владимир Бут 1997 йилда соғлиғидаги муаммолар сабаб Қитъалараро кубок финалида майдонга туша олмагани учун кўзига ёш келганини айтди. «Афсуски, 1997 йилда «Боруссия» Қитъалараро кубокни ютган ўйинда мен финалда ўйнай олмадим, чунки менга чов соҳасидаги чуррага оид операция қилинган эди.
Ўшанда 20 ёшда эдим, албатта, жуда хафа бўлдим, ҳатто йиғлаб юбордим», — дея Бутнинг сўзларини «Матч ТВ» келтиради. 1997 йил 2 декабрь куни «Боруссия» Токиода «Крузейро»ни 2:0 ҳисобида мағлуб этиб, Қитъалараро кубокни қўлга киритган.
Владимир Бут ҳозирда Новороссийскнинг «Черноморец» клубида спорт директори лавозимида ишламоқда. Эслатиб ўтамиз, чоршанба куни Қитъалараро кубок финалида «ПСЖ» «Фламенго» билан 1:1 ҳисобида дуранг ўйнади, пеналтилар сериясида эса парижликлар ғалаба қозонди.
Учрашув қаҳрамони россиялик дарвозабон Матвей Сафонов бўлди: у пеналтилар сериясида тўртта зарбани қайтарди. “Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг Мавзуга оид янгиликлар
Маълумот
Меҳмон гуруҳидаги фойдаланувчилар ушбу мақолага изоҳ қолдира олмайди.
Меҳмон гуруҳидаги фойдаланувчилар ушбу мақолага изоҳ қолдира олмайди.
