Ла Лиганинг 17-турида Валенсия ўз майдонида Мальоркани қабул қилди ва томонлар 1:1 ҳисобида дуранг қайд этди. Учрашув бошида Мальорка хавфли вазият яратди: Хан Вирхили чап қанотдан марказга кесиб кириб, жарима майдони чизиғидан узоқ бурчакка аниқ зарба йўллади, бироқ Валенсия дарвозабони тўпни қайтариб, бурчак зарбасига чиқариб юборди.
23-дақиқада меҳмонлар ҳисобни очди: стандарт вазиятдан узатилган тўп чап томондан жарима майдонига йўналтирилди, Антонио Райльо бош билан пас ташлади, Саму Кошта эса 15 метрдан бир тегинишда чап пастки бурчакка аниқ зарба бериб, жамоасини олдинга олиб чиқди — 0:1. Орадан кўп ўтмай Лукас Белтран жарима майдони чизиғидан кучли зарба берди, тўп ҳимоячининг қўлига тегди, аммо ҳакам пенальти белгиламади.
Иккинчи бўлим аввалида Валенсия ҳисобни тенглаштирди. Тьерри Коррейя ўнг қанотда рақибини чиройли алдаб ўтиб, дарвоза олдига ўрта баландликда узатма берди.
Уго Дуро эса йиқилиб борар экан, бош билан тўпни дарвозага йўллаб, натижани 1:1 кўринишига келтирди. Кейинроқ Риоха ўнг қанотдан узоқ устунга узатди, Хосе Гайя бош билан зарба берди, бироқ тўп устунга тегди.
Мезбонларнинг яна бир ҳужумида Андре Алмейда аниқ узатма билан Белтранни топди, ҳужумчи деярли дарвозабон қаршисида зарба йўллади, аммо дарвозабон рефлекс кўрсатиб, тўпни оёғи билан қайтариб қолди. Дурангдан сўнг Валенсия турнир жадвалида қуйи лигага тушиб кетиш зонасидан атиги бир очко юқорида қолди.
Мальорка эса хавфли ҳудуддан уч очко узоқликда турибди. “Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг Мавзуга оид янгиликлар
Маълумот
Меҳмон гуруҳидаги фойдаланувчилар ушбу мақолага изоҳ қолдира олмайди.
Меҳмон гуруҳидаги фойдаланувчилар ушбу мақолага изоҳ қолдира олмайди.
