Вест Ҳем бош мураббийи Нуну Эшпириту Санту АПЛнинг 17-турида «Манчестер Сити»га қарши ўйин олдидан ОАВ билан мулоқот қилди. Учрашув 20 декабр куни Москва вақти билан 18:00 да бошланади.
Мутахассиснинг айтишича, жамоа охирги ўйиндан кейин жиддий муаммоларга дуч келмаган. Ҳужумчи Никлас Фюллкруг пайшанба куни машғулотларга қайтган.
Эл-Ҳаж Малик Диуф ҳамда Аарон Ван-Биссака Африка Миллатлар кубогидаги иштироки сабабли жамоага ёрдам бера олмайди. «Улар учун хурсандман.
Бу тақвимда бор эди, энди эса вазиятни тўғри бошқаришимиз керак. Таркибдан уларнинг ўрнини боса оладиган, бир нечта позицияда ўйнайдиган футболчиларни топишга ҳаракат қиламиз», — дея Нунунг сўзларини BBC келтирди.
Мураббий жамоа муаммосини ҳам очиқ тан олди: «Биз кўпинча ҳисобни биринчи бўлиб очамиз, аммо устунликни ушлаб қола олмаймиз. Бу ҳақиқат.
Ўйин 90, баъзан 100 дақиқагача давом этади, шунинг учун охиригача диққатни йўқотмаслик керак. Футболчиларимиз психологиясидаги шу жиҳатни яхшилаш устида ишлаяпмиз».
Турнир жадвалида «Манчестер Сити» 34 очко билан иккинчи ўринда бормоқда, «Вест Ҳем» эса 13 очко билан 18-поғонада. “Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг Мавзуга оид янгиликлар
Маълумот
Меҳмон гуруҳидаги фойдаланувчилар ушбу мақолага изоҳ қолдира олмайди.
Меҳмон гуруҳидаги фойдаланувчилар ушбу мақолага изоҳ қолдира олмайди.
