Мадриднинг "Реал" клуби ҳужумчиси Килиан Мбаппе "Севилья"га қарши ўйиндан (2:0) сўнг интервью берди. Учрашувда 27 ёшли франциялик футболчи пенальтини аниқ амалга оширди.
Ушбу гол Мбаппенинг жорий тақвим йилида "Реал" сафида урган 59-голига айланди. Шу тариқа у клубнинг йил давомида киритилган голлар бўйича рекордини 2013 йилда худди шундай натижага эришган Криштиану Роналду билан бўлишиб турибди.
Мбаппенинг айтишича, Роналду доимо унга яхши муносабатда бўлган, "Реал"га мослашиш жараёнида ёрдам берган ва ҳозир улар дўст. Ҳужумчи Роналдуга энг эзгу тилакларини йўллаб, Рождество ва Янги йил билан табриклади.
"Бу мен учун алоҳида кун. Мен "Реал" тарихидаги энг яхши футболчи ва болаликдаги кумирим рекордини такрорладим.
Бугунги нишонлашимни айнан Роналдуга бағишладим, унга ҳурматимни билдирмоқчи эдим", дея Мбаппенинг сўзларини келтиради Madrid Universal. Эслатиб ўтамиз, Криштиану Роналду "Реал" шарафини 2009 йилдан 2018 йилгача ҳимоя қилган.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг Мавзуга оид янгиликлар
Маълумот
Меҳмон гуруҳидаги фойдаланувчилар ушбу мақолага изоҳ қолдира олмайди.
Меҳмон гуруҳидаги фойдаланувчилар ушбу мақолага изоҳ қолдира олмайди.
