Мадриднинг «Реал» клуби ҳужумкор ярим ҳимоячиси Франко Мастантуоно сўнгги вақтларда майдонда кам кўринмоқда. Шанба куни 18 ёшли футболчи «Севилья»га қарши учрашувда ҳам захирада қолди.
Ўйин «Реал»нинг 2:0 ҳисобидаги ғалабаси билан якунланди. Сўнгги кунларда матбуотда аргентиналик иқтидор эгасини ижара асосида бошқа клубга жўнатиш эҳтимоли ҳақида миш-мишлар тарқалди.
Бироқ футболчининг ўзи кетишни режалаштирмаётгани айтилмоқда. Marca нашри маълумотига кўра, Мастантуоно «қаймоқранглилар»нинг асосий таркибидаги ўрнини йўқотганидан хавотирга тушмаган.
У мураббий Хаби Алонсо ишончини қайта қозониш учун курашни давом эттиришга қатъий бел боғлаган. «Реал» Франко Мастантуонони жорий йил ёзида сафга қўшиб олганди.
Испанияга кўчиб ўтишидан аввал у ватани Аргентинада «Ривер Плейт» сафида тўп сурган. “Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг Мавзуга оид янгиликлар
Маълумот
Меҳмон гуруҳидаги фойдаланувчилар ушбу мақолага изоҳ қолдира олмайди.
Меҳмон гуруҳидаги фойдаланувчилар ушбу мақолага изоҳ қолдира олмайди.
