Мбаппе: Болаликдаги орзуим Реал сафида ушалди

Мадриднинг «Реал» клуби ҳужумчиси Килиан Мбаппе узоқ йиллик орзуси рўёбга чиққанини айтди. Шанба куни «қаймоқранглилар» етакчи форварди туғилган кунида «Севилья»га қарши ўйинда жамоасига ғалабага эришишда ёрдам берди.

Учрашув 2:0 ҳисобида якунланди, франциялик ҳужумчи эса 86-дақиқада пеналтйдан гол урди. «Болалигимда туғилган куним учун орзу совғам Реал сафида ўйнаш бўлишини айтардим.

Бугун кечқурун бу орзу ушалди», деди 27 ёшни қарши олган Мбаппе ўйиндан кейинги интервьюсида. Мбаппе туғилган кунида Реал либосида майдонга тушиш билан чекланиб қолмади: у бир календар йил ичида урилган голлар бўйича Криштиану Роналдунинг клуб рекордини ҳам такрорлади — 59 та гол.