«Челси» Эллиот Андерсон учун курашга қўшилди
“Ноттингем Форест”нинг 23 ёшли ярим ҳимоячиси Эллиот Андерсон “Челси” қизиқиш билдирган футболчилар қаторидан жой олди. Унга “Манчестер Сити”, “Манчестер Юнайтед” ва “Бавария” ҳам қизиқиш билдирмоқда. “Ноттингем Форест” Андерсон трансферидан 92–115 миллион евро атрофида даромад олишни истаётгани сабабли, январда унинг кўчиб ўтиши эҳтимоли паст. Андерсон жорий мавсумда барча мусобақаларда 22 та ўйинда 1 та гол ва 1 та голли узатмага муаллифлик қилган.
«Ноттингем Форест»нинг марказий ярим ҳимоячиси Эллиот Андерсон Лондоннинг «Челси» клуби қизиқиш доирасига тушди. Бу ҳақда Дэвид Орнштейн хабар берди.
Манбага кўра, Андерсонга Премьер-лиганинг етакчи клублари, жумладан «Челси» ҳам катта қизиқиш билдирмоқда. Бироқ январда трансфер бўлиши эҳтимоли паст, чунки «ўрмончилар» футболчини сотишдан 92–115 миллион евро атрофида жуда катта маблағ ишлаб олишни истамоқда.
Андерсонни ўз сафига қўшиб олишни «Манчестер Сити», «Манчестер Юнайтед», «Бавария» ва «Челси» хоҳламоқда, бироқ кўп нарса мураббийлар масаласига боғлиқ: тилга олинган клубларда мураббийлар штаби борасида ҳануз ноаниқлик сақланиб қолмоқда. Жорий мавсумда 23 ёшли Андерсон барча мусобақаларда 22 та ўйинда майдонга тушиб, 1 та гол урди ва 1 та голли узатмани амалга оширди.
Изоҳлар 0
…