Франция терма жамоасининг собиқ футболчиси Франк Лебёф Поль Погбанинг миллий жамоага қайтишига ишонмаслигини айтди. "Дешамга Погба ёқади.
Аммо мен унинг энг яхши даражасига қайта олишига шубҳа қиламан, чунки шунча узоқ танаффусдан кейин бу жуда қийин. Машғулот қилиш мумкин, лекин ўйин — бутунлай бошқа нарса.
Погба аллақачон 30 ёшдан ошган, барқарор ўйин кўрсатиб келган бошқа футболчилар ҳам бор. Дешамга: "Хўп, мен Погбани оламан", дейиш қийин бўлади.
Унда нега Гризмани ҳам чақирмаслик керак, устига-устак Зидан ҳам чақирилсин! Бу жуда қийин.
Мен Погбага 5 фоиз имконият бераман — шунчаки одоб юзасидан", — дея Лебёфнинг сўзларини Goal келтирди. Поль Погба охирги бор 2022 йил март ойида Франция терма жамоаси сафида ўйнаган.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
