Вйерининг фикрича дунёдаги энг кучли лига Серия А ҳисобланади
«Милан»нинг собиқ ҳужумчиси Кристиан Вери Серия Ани бугунги кунда дунёдаги энг кучли ва нуфузли лига деб атади. У Италия чемпионатида соврин учун бир нечта жамоа курашиши ва пешқадамлар тез-тез алмашишини таъкидлади. 15 турдан сўнг турнир жадвалида «Интер» 33 очко билан етакчилик қилмоқда, ундан кейин «Милан» (32), «Наполи» (31), «Рома» (30) ва «Ювентус» (29) жойлашган.
«Милан»нинг собиқ ҳужумчиси Кристиан Вйери Италиянинг Серия А чемпионатини бугунги кунда футбол оламидаги энг нуфузли ва кучли лига сифатида эътироф этди. Бу ҳақда euro-football.ru хабар беради.
Мутахассиснинг таъкидлашича, Италия чемпионатида доимий интрига бор: соврин учун бир эмас, бир нечта асосий даъвогарлар бир пайтнинг ўзида кураш олиб боради.
«Ҳар бир ўйин — жанг. Серия А Европадаги энг ёқимли чемпионат. Пешқадамлар тез-тез алмашади, барибир биз тўрт клуб ўртасидаги курашдан завқ оламиз», — деди Вйери La Gazzetta dello Sport нашрига.
Ҳозирда турнир жадвалида «Интер» пешқадам: 15 турдан сўнг миланликлар 33 очко тўплаган. «Нерадззурри»дан кейин «Милан» (32), «Наполи» (31), «Рома» (30) ва «Ювентус» (29) жойлашган.
Изоҳлар 0
…