Лондоннинг «Арсенал» клуби собиқ ярим ҳимоячиси Жермейн Пеннант ҳужумчи Виктор Дёкерешнинг ўйинлари ҳақида фикр билдирди. Швециялик футболчи 2025 йилда «канонирлар» сафига келиб қўшилди ва Лиссабондаги «Спортинг»дан 65,8 миллион евроға трансфер қилинганди. Бу ҳақда euro-football.ru хабар беради.
Пеннантга кўра, Дёкерешдан Португалиядаги каби юқори гол сериясини кутиш тўғри эмас. «Бу АПЛ, Португалия чемпионати эмас. Дарвин Нуньес «Бенфика»да 30 тадан ортиқ гол уриб, «Ливерпул»га ўтгач, бундай кўрсаткичларни такрорлай олмади. Шунга қарамай, мен унинг «Ливерпул»даги ўйинини яхши деб баҳолайман», — дея Пеннантнинг сўзларини келтиради The Mirror.
Маълумот учун, Нуньес «Ливерпул» сафига 126 учрашувда 40 гол урган. Дёкереш эса «Арсенал»даги 20 ўйинда 7 бор рақиб дарвозасини ишғол этди.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
