“Шалке-04”нинг захира жамоасида ўйнаган Алексей Гасиллин собиқ жамоадоши Лерой Сане ҳақидаги хотиралари билан ўртоқлашди. Гасиллин немис клубида 2015–2016 йилларда тўп тепган. Бу ҳақда euro-football.ru хабар беради.
Унинг сўзларига кўра, Сане доим ҳам голлар билан ажралиб турадиган футболчи бўлмаган, аммо бошқа кучли жиҳатлари ҳисобига ажралиб турган: дриблинги, тезлиги ва тўпни масофага олиб чиқиб кетиш қобилияти юқори бўлган. Гасиллин Сане майдонда “биринчи крестлар”гача жуда зўр югуришини ҳам алоҳида таъкидлаб, уни айнан шу фазилатлари туфайли топ клубларда ўйнаётган феноменал футболчи деб атади.
Жорий мавсумда 29 ёшли Сане Туркиянинг “Галатасарай” клубида тўп тепмоқда. У 24 учрашувда 6 та гол уриб, 7 та голли узатма муаллифи бўлган. Transfermarkt портали футболчини 23 миллион еврога баҳоламоқда.
“Zamin”ни Telegram'да ўқинг!
