«Барселона» спорт директори Деку «Ал-Ҳилол» ҳимоячиси Жоау Канcелунинг каталонияликлар сафига яқинлашаётган трансфери ҳақида фикр билдирди. Бу ҳақда euro-football.ru хабар беради.
Декунинг айтишича, клубга келадиган деярли ҳар бир футболчи маош масаласида ён беради. Унинг таъкидлашича, бу «Барселона»нинг ўзига хос жозибаси бўлиб, Канcелу жамоага аввал йўқ бўлган янги тактик ечимлар ва вариантларни олиб киради. Деку португалиялик футболчини юқори даражадаги ижрочи сифатида баҳолади.
Аввалроқ клуб президенти Жоан Лапорта Канcелу эртага «Барселона» учун тиббий кўрикдан ўтишини маълум қилганди.
Жоау Канcелу 2023–2024 йилларда ҳам «Барселона» шарафини ҳимоя қилган: у ўшанда «Манчестер Сити»дан ижара асосида келиб ўйнаган. Португалиялик футболчи каталонияликлар сафида 42 учрашувда майдонга тушиб, 4 гол урган ва 5 голли узатма муаллифи бўлган.
“Zamin”ни Telegram'да ўқинг!
