Томас Франк ва Анге Постекоглоу 2026-йилги Жаҳон чемпионатида рақиб бўлишади

Томас Франк Тоттенхемдан кетганидан сўнг илк бор омма олдида кўриниш беришга тайёрланмоқда. Даниялик мураббий 2026-йилги Жаҳон чемпионати учун ББК телеканалининг экспертлар гуруҳига қўшилди. Бу қарор уни яна бир собиқ Тоттенхем устози Анге Постекоглоу билан телевидение студиясида рақобатлашишига сабаб бўлади. Бу ҳақда Goal.com хабар беради.

Франк ва Постекоглоу ўртасидаги қарама-қаршилик энди яшил майдонда эмас, балки эфир студияларида давом этади. Постекоглоу ITВ телеканали билан шартнома имзолаган бўлса, Франк ББКнинг асосий таҳлилчиларидан бири сифатида фаолият юритади. Бу Томас Франк учун феврал ойида Тоттенхемдан истеъфога чиқарилганидан кейинги илк жиддий қадам ҳисобланади.

52 ёшли мутахассис Лондон клубидаги фаолияти давомида 38 та ўйиндан атиги 13 тасида ғалаба қозонган эди. Унинг ғалаба қозониш кўрсаткичи клуб тарихидаги энг паст натижа бўлиб қолди. Ўз навбатида, Анге Постекоглоу ҳам Ноттингем Форестдаги қисқа муддатли ва муваффақиятсиз фаолиятидан сўнг бироз вақт кўздан нари юришни маъқул кўрганди.

Буюк Британиянинг етакчи телеканаллари ўртасидаги бу кадрлар кураши мухлислар учун катта қизиқиш уйғотмоқда. ББК ўз жамоасини кучайтириш мақсадида собиқ Арсенал ҳужумчиси Оливиер Гироудни ҳам таклиф қилди. У Вайне Рооней, Алан Шеарер ва Джо Ҳарт каби афсонавий футболчилар билан бирга АҚШ, Канада ва Мекцикада ўтадиган 48 жамоали турнирни ёритиб боради.