Италиялик собиқ футболчи Паоло ди Канио Антонио Контенинг аввалги иш услубини эслаб, уни Симоне Индзаги билан таққослади. У Конте ҳозир «Наполи»ни бошқараётган бўлса-да, фикрларини мураббий миланлик «Интер»да ишлаган даврига қаратди. Бу ҳақда euro-football.ru хабар беради.
Ди Каниога кўра, Контенинг «Интер»даги асосий мероси — натижа учун ҳар қандай нархда курашадиган менталитетни шакллантиргани. Унинг айтишича, Конте жамоага ижобий босим ўтказиб, ҳаммани охирги томчигача ишлашга, ҳаракатдан тўхтамасликка мажбур қилган.
Индзаги эса, ди Канио фикрича, бироз эркинроқ ёндашувни танлаган: футболчиларни ҳаддан ташқари сиқмаган, натижа учун “жон беришга” мажбурламаган. Ди Канионинг сўзларини fcinter1908.it келтирди.
Эслатиб ўтамиз, Антонио Конте 2021 йилда «Интер»ни тарк этган — жамоа билан Скудеттога эришганидан сўнг.
“Zamin”ни Telegram'да ўқинг!
