Италия А Сериясининг навбатдаги турида «Кремонезе» сафарда «Ювентус»га 0:5 ҳисобида имкониятни бой берди. Учрашув давомида жамоа бош мураббийи Давиде Никола ҳакам қарорларига жуда кескин эътироз билдиргани учун биринчи бўлимнинг ўзидаёқ майдондан четлатилди. Бу ҳақда euro-football.ru хабар беради.
Никола финал ҳуштаги чалинганидан кейин ҳам ҳиссиётларини жиловлай олмади ва ўйин бўйича фикр билдириб ўтди. «Мен одатда шикоят қилишни ёқтирмайман, ҳақиқатдан ҳам биз унчалик яхши кўринмадик. Аммо дарвозамизга пенальти белгиланган пайтда асаблар чидамады. Тўғриси, биринчи голдан кейин ҳам аллақачон ҳаяжон бошланган эди. Энди олдинга қараш ва бу баҳсни ортда қолдириш керак», — дея Никола сўзларини келтиради derbyderbyderby.it.
«Кремонезе» А Серияси турнир жадвалида 13-ўринда бормоқда.
“Zamin”ни Telegram'да ўқинг!
