Италиянинг «Наполи» жамоаси бош мураббийи Антони Конте собиқ шогирди Диего Коста атрофидаги фикрларга муносабат билдирди. Коста Конте қўл остида «Челси»да 2016–2017 йилги мавсумда тўп сурган. Бу ҳақда euro-football.ru хабар беради.
Конте матбуотдаги гап-сўзларга ортиқча эътибор бермаслигини таъкидлади. Унинг айтишича, футбол оламида ақлли ҳам, айёр ҳам, шунингдек, беҳуда гапирадиганлар ҳам бор ва у бундай нарсаларни ўқишга вақт сарфлашни истамайди.
Мураббий Коста билан ўтган мавсумни эслаб, асосий эътиборни футболга қаратди. Конте «Челси» билан бирга чемпионликни қўлга киритишганини, бироқ ҳужумчи ўша мавсумнинг ўзида уч марта клубни тарк этиш истагини билдирганини айтди.
Шунингдек, Конте Костанинг «Челси»дан кейинги фаолияти ҳақида аниқ маълумотга эга эмаслигини қўшимча қилди.
Маълумот учун, Диего Коста 2024 йилда футболчилик фаолиятини якунлаган. У сўнгги бор ватани клубида — «Гремио» сафида майдонга тушган.
“Zamin”ни Telegram'да ўқинг!
