Миланлик «Интер» бош мураббийи Кристиан Киву Чемпионлар лигасида жамоа натижалари нега sustlashganини тушунтириб берди. Бу ҳақда euro-football.ru хабар беради.
«Нерадзуррилар» турнир тарихида илк бор кетма-кет уч ўйинда мағлуб бўлди: Мадриднинг «Атлетико»сига (1:2), «Ливерпул»га (0:1) ва «Арсенал»га (1:3) ютқазди.
Кивунунг таъкидлашича, жамоа бу уч учрашувда ҳам кўпроқ натижага лойиқ эди. Мадридда «Интер» сўнгги дақиқаларда гол ўтказиб юборди, «Ливерпул»га қарши баҳсда эса ўйин тақдирини охирги дақиқалардаги пенальти ҳал қилди. «Арсенал»га қарши баҳсда ҳам миланликлар жасорат билан, қатъий ҳаракат қилганини мураббий алоҳида қайд этди.
«Сўнгги ойлар ичида жамоа руҳий тайёргарлик ва психологик барқарорлик борасида анча ўсди. Хатолар бўлиб туради. Идеал мавсум бўлмайди — биз доимий равишда ўз устида ишлашимиз керак», — дея Кивунунг сўзларини InterTV келтирди.
Бугун «Интер» умумий босқичнинг якуний турида сафарда Дортмунднинг «Боруссия» жамоасига қарши майдонга тушади.
“Zamin”ни Telegram'да ўқинг!
