«Барселона» президенти Жоан Лапорта ёзги трансфер ойнасида катта шов-шув бўладиган битимни амалга ошириш ниятида. Бу ҳақда euro-football.ru хабар беради.
ESPN хабарига кўра, каталонияликлар раҳбари учун асосий нишон — Мадриднинг «Атлетико» клуби ҳужумчиси Хулиан Алварес. Аргентиналик футболчини олиб келиш 100 млн евро дан ҳам қимматга тушиши мумкин, «кўк-анорранглилар» эса бундай талабни қанчалик бажара олиши ҳозирча номаълум.
Манба қўшимча қилишича, спорт директори Деко ҳамёнбопроқ йўлларни ҳам кўриб чиқмоқда. Номзодлар рўйхатида «Ювентус» форварди Душан Влахович ҳамон бор — у кейинчалик эркин агентга айланиши мумкин.
Сўнгги пайтларда «Барселона» ҳужумчи излаш ишларини кескин фаоллаштирди. Роберт Левандовскининг шартномаси тугашига ярим йил қолган ва полшалик футболчининг клубни тарк этиши эҳтимоли юқори.
“Zamin”ни Telegram'да ўқинг!
