Касадо Флик танаффусда жамоага нималар деганини айтди
“Барселона” ярим ҳимоячиси Марк Касадо “Копенгаген”га қарши ўйинда танаффусда бош мураббий Ханс-Дитер Флик жамоа ўйинидан норози бўлиб, темпни оширишни талаб қилганини айтди. Каталонияликлар биринчи бўлимни 0:1 ҳисобидаги мағлубият билан якунлаган бўлса-да, иккинчи бўлимда ҳисобни ўзгартириб, 4:1 ҳисобида ғалаба қозонди. Касадонинг сўзларига кўра, жамоа ўз ўйинини рақибга тиқиштириб, уни кўпроқ югуришга мажбур қилиши керак.
“Барселона” ярим ҳимоячиси Марк Касадо “Копенгаген”га қарши ўйиннинг биринчи бўлими омадсиз якунлангач, бош мураббий Ханс-Дитер Флик танаффусда қандай муносабат билдирганини очиқлади. Бу ҳақда euro-football.ru хабар беради.
Европа Чемпионлар лигасининг 8-турида каталонияликлар танаффусга 0:1 ҳисобида ютқазиб кетган бўлса-да, иккинчи бўлимда ўйинни бутунлай ўзгартириб, ишончли камбек билан 4:1 ҳисобида ғалаба қозонди.
Касадонинг айтишича, танаффусда Флик жамоа ўйинидан норози бўлган ва футболчилардан темпни оширишни талаб қилган. “Рақиблар бизни аллақачон яхши билади, лекин бизнинг ғоямиз — ўз ўйинимизни тиқиштириш ва рақибни кўпроқ югуришга мажбур қилиш”, — дея Касадонинг сўзларини келтиради Barca Universal.
8 тур якунларига кўра, “Барселона” умумий жадвалда бешинчи ўринни эгаллади ва Чемпионлар лигаси 1/8 финалига йўл олди.
Изоҳлар 0
…