АПЛ мураббийлари орасида бу мавсум Хосеп Гвардиола учун "Манчестер Сити"даги охирги мавсум бўлиши мумкин, деган гаплар янада кучаймоқда. The Times хабарига кўра, лига ичида бу борадаги ишонч сезиларли даражада ошгани айтилмоқда.
Маълум қилинишича, Гвардиола ўтган ҳафта клуб раҳбариятига мавсум якунида “шаҳарликлар”ни тарк этиши мумкинлигини билдиргани ҳақида гап-сўзлар бор. Ҳозирча бу — расмий баёнот эмас, аммо Премьер-лига атрофидаги “ички сигналлар” айнан шу томонга ишора қилаётгани қайд этилмоқда.
Эслатиб ўтамиз, Англия Премьер-лигасининг энг катта таъсир кўрсатган мураббийларидан бири саналадиган Гвардиола 2016 йил ёзидан буён “Сити” рулда. Унинг бошчилигида жамоа Англияда деярли “конвейер”га айланди:
6 марта Англия чемпиони
2 марта Англия Кубоги соҳиби
4 марта Англия Лига Кубоги ғолиби
2023 йилда УЕФА Чемпионлар Лигаси чемпионлиги
Бу натижалар “Сити” тарихида алоҳида давр бўлиб қолди, дейишга асос етарли.
Ҳозир эса асосий интрига битта: бу гаплар ростдан ҳам “хайрлашув мавсуми”ми ёки навбатдаги трансфер ойнасидаги классик шов-шувми. Бир нарса аниқ — агар Гвардиола кетса, “Сити” учун фақат мураббий эмас, бутун бир система алмашади.
“Zamin”ни Telegram'да ўқинг!
