«Ювентус» Кенан Йилдиз билан шартномани узайтирганини эълон қилди
"Ювентус" ҳужумкор ярим ҳимоячи Кенан Йилдиз билан шартномани 2030 йилнинг ўрталаригача узайтирди. 20 ёшли футболчи 2022 йилда "Бавария" академиясидан Турин клуби ёшлар жамоасига қўшилган. Йилдиз "Ювентус" асосий таркибида 115 та расмий ўйинда 25 та гол уриб, 19 та голли узатмани амалга оширган. Келишувнинг узайтирилиши футболчининг Европанинг бошқа топ-клубларига ўтиши ҳақидаги миш-мишларга нуқта қўйиши кутилмоқда.
«Ювентус» расмий сайти ҳужумкор ярим ҳимоячи Кенан Йилдиз билан янги келишув имзоланганини маълум қилди. 20 ёшли футболчининг Турин клуби билан шартномаси 2030 йилнинг ўрталаригача амал қилади. Бу ҳақда euro-football.ru хабар беради.
Йилдиз 2022 йилда «Бавария» академиясидан «Ювентус» ёшлар жамоасига қўшилганди. У асосий таркиб сафида 115 та расмий ўйинда майдонга тушиб, 25 гол урди ва 19 та голга ассист муаллифи бўлди.
Келишувнинг узайтирилиши Йилдизнинг номи Европанинг бошқа топ-клублари билан боғланган миш-мишларга ҳам нуқта қўйиши кутилмоқда.
Ҳозирда «Ювентус» А Серия турнир жадвалида тўртинчи поғонани эгаллаб турибди.
Изоҳлар 0
…