Туркиянинг «Кайсериспор» клуби ярим ҳимоячиси Денис Макаров жароҳат олди ва ҳозирча қачон майдонга қайтиши номаълум. Бу ҳақда клуб матбуот хизмати маълум қилди. Бу ҳақда euro-football.ru хабар беради.
Тиббий кўрик натижаларига кўра, футболчининг ўнг сонининг юқори қисмидаги мушаклар ўрта гуруҳида енгил шикастланиш ҳамда шиш аниқланган. Клуб хабарида даволаниш жараёни давом этаётгани таъкидланди.
Макаров «Кайсериспор» сафида 3 февраль куни «Галатасарай»га қарши учрашувда дебют қилганди. Ўйин 0:4 ҳисобида якунланган, жамоа эса турнир жадвалида 17-ўринда бориб, лигада қолиш учун курашмоқда. Аввалроқ Макаров Москванинг «Динамо» клубида тўп сурган ва жамоани эркин агент сифатида тарк этган.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
