Мюнхеннинг «Бавария» клуби бош мураббийи Венсан Компани Бундеслигада бир мавсумдаги энг кўп гол уриш рекордига яқинлашиш эҳтимоли юзасидан муносабат билдирди. Бу ҳақда euro-football.ru хабар беради.
21-турдан сўнг баварияликлар 79 та гол уриб, ҳатто ўз стандартлари бўйича ҳам жуда юқори натижа қайд этмоқда. Ҳозирча чемпионатдаги амалдаги рекорд — 101 та гол.
«Бу мен учун биринчи даражали мақсад эмас. Лекин “Бавария” мақоми шуни талаб қилади: ҳужумда фаол бўлишимиз, кўп гол уришимиз керак. Мухлислар ҳам биздан шуни кутади. Бу — кучли жиҳатимиз. Мен учун энг муҳими, исталган паллада гол ура олишимизни ҳис қилиш. Ҳозир йигитлар буни жуда яхши уддаляпти», — деди Компани матбуот анжуманида.
Якшанба куни «Бавария» навбатдаги йирик ғалабасини расмийлаштириб, «Хоффенхайм»ни 5:1 ҳисобида мағлуб этди.
“Zamin”ни Telegram'да ўқинг!
