Гарет Бэйл иккита ўйинга дисквалификация қилинди

Испания тартиб-интизом қўмитаси “Реал” клуби ярим ҳимоячиси Гарет Бэйлни “Лас-Пальмас”га (3:3) қарши кечган Примеранинг 25-тур учрашувида четлатилиш учун дисквалификация қилинди.

Шу тариқа, 27 ёшли уэльслик футболчи “Эйбар” ҳамда “Бетис”га қарши кечадиган баҳсларни ўтказиб юборади.

Бундан ташқари, “Реал” 700 еврога, Бэйл эса – 600 еврога жаримага тортилди. Мадрид клуби раҳбарияти Бэйлнинг жазоси юзасидан шикоят аризаси жўнатади.