Клопп «Реал»ни бошқариши учун тўртта шарт қўйди

«Ливерпул»нинг собиқ бош мураббийи Юрген Клопп келаси мавсумда «Реал» бошқарувига келиши мумкин. Бу ҳақда euro-football.ru хабар беради.

Topskills Sports UK хабарига кўра, германиялик мутахассис Мадрид клуби билан музокараларда аниқ талаблар рўйхатини тақдим этган. Клопп «қаймоқранглилар» таклифини кўриб чиқиши учун қуйидаги тўртта шарт бажарилиши керак:

- «Реал» таркибига икки нафар янги марказий ҳимоячи олиб келиш

- Икки нафар янги ярим ҳимоячи трансферини амалга ошириш

- Ҳозир «Лион»да ўйнаётган Эндрикни яна ижарага жўнатмаслик

- Жуд Беллингем ва Эдуардо Камавингани сотиш

Манбага кўра, талаблар бажарилса, Клопп «Реал»даги иш вариантини жиддий кўриб чиқади. Акс ҳолда у таклифни рад этиши мумкин.

Ravshan

«ZAMIN.UZ» муҳаррири