Россия Давлат думаси депутати Дмитрий Свищёв Украина футбол ассоциацияси раҳбари Андрей Шевченконинг ФИФА президенти Жанни Инфантино билан учрашувига муносабат билдирди. Суҳбат Россиянинг халқаро футбол майдонига қайтиши масаласи атрофида кечгани айтилди. Бу ҳақда euro-football.ru хабар беради.
Аввалроқ Инфантино Россияга нисбатан жорий этилган чекловларни бекор қилиш вақти келганини, бу чоралар барибир кутилган таъсир бермаётганини таъкидлаган эди. Шундан сўнг Шевченко Инфантино билан шахсан кўришиб, Украина позициясини яна бир бор етказишини маълум қилган.
Свищёвнинг сўзларига кўра, Шевченко жуда кучли футболчи бўлган ва Россияда уни ҳануз севиб, ҳурмат қиладиганлар кўп. Депутат, спортчининг сиёсий провокацияларга эргашаётгани ачинарли эканини ҳам қўшиб ўтди.
Шунингдек, у Шевченконинг Инфантино билан учрашуви ФИФА позициясига жиддий таъсир кўрсатмаслиги мумкинлигини билдириб, агар қарорлар аллақачон юқори даражада қабул қилинган бўлса, бундай ташрифлар натижани ўзгартира олмаслигини қайд этди.
“Zamin”ни Telegram'да ўқинг!
