Лондоннинг «Арсенал» жамоаси «Вулверҳемптон» билан учрашувда ғалабани қўлдан чиқарди — аутсайдер билан дуранг, айниқса турнир жадвалида «Манчестер Сити» билан пешқадамлик учун кескин кураш кетаётган паллада, муваффақиятсиз натижа сифатида баҳоланади. Бу ҳақда euro-football.ru хабар беради.
Шунга қарамай, бу ўйин «Арсенал»нинг «Вулверҳемптон»га қарши кетма-кет голли сериясини давом эттирди: лондонликлар барча турнирлар доирасида бўлиб ўтган ўзаро 37-учрашувда ҳам рақиб дарвозасини ишғол қилган.
Қайд этилишича, бу нафақат «Арсенал»нинг шахсий кўрсаткичи, балки АПЛдаги амалдаги клублар орасида ҳам мутлақ рекорд ҳисобланади. Англия футболи тарихида шунга ўхшаш бундан ҳам узунроқ серия фақат бир бор учраган — «Рексҳем» 1929–1961 йиллар оралиғида «Дарлингтон»га қарши кетма-кет 49 ўйинда гол урган.
“Zamin”ни Telegram'да ўқинг!
