Италиялик мураббий Карло Анчелотти 2005 йилги Чемпионлар лигасининг Истанбулдаги афсонавий финалини ёдга олди. Ўша учрашувда унинг қўл остидаги «Милан» биринчи бўлимдан кейин 3:0 ҳисобида олдинда бораётган эди. Бу ҳақда euro-football.ru хабар беради.
Бироқ иккинчи таймда «россонери» олти дақиқа ичида кетма-кет уч гол ўтказиб юборди ва ўйин кескин бурилиб кетди. Якунда «Милан» пенальтилар сериясида имкониятни бой бериб, совриндан қуруқ қолди.
Анчелоттининг таъкидлашича, тактик жиҳатдан бу ўйин унинг жамоаси учун энг пухта тайёрланган баҳслардан бири бўлган. «Танаффусда мухлислар қўшиқ айтишда давом этарди, мен эса футболчиларга: “Эҳтиёт бўлинг, ҳаммаси ҳали тугагани йўқ. Улар ҳали ўлмаган”, дедим», — дея мураббий сўзларини Cadena SER келтиради.
Эслатиб ўтамиз, ўтган ёздан бери Карло Анчелотти Бразилия терма жамоасини бошқармоқда. Италиялик мутахассис жамоани 2026 йилги жаҳон чемпионатига тайёрламоқда.
“Zamin”ни Telegram'да ўқинг!
