Италия А сериясининг 26-турида «Рома» ўз майдонида қуйи поғоналарга яқинлашиб қолган «Кремонезе»ни қабул қилди. Бу ҳақда euro-football.ru хабар беради.
Учрашув бошида мезбонлар бир нечта вазиятлар яратди: флангдан узатмалар хавф туғдирди, Манчини бош билан тўпни тўсинга теккизди, Пеллегрини эса қайтган тўпни мураккаб усулда дарвозага йўллашга уринди, бироқ ҳимоячилар зарбани тўсди.
Ҳисоб 59-дақиқада очилди. Пеллегринининг бурчак зарбасидан кейин Кристанте боши билан яқин устун остига аниқ йўллаб, «Рома»ни олдинга олиб чиқди — 1:0.
77-дақиқада яна стандарт вазият иш берди: корнердан кейин тўп жарима майдони марказига тушди ва Н’Дика бир тегишда уни чап бурчакка киритиб, ҳисобни иккитага оширди — 2:0.
Ўйин якунига яқин «Рома» устунлигини янада мустаҳкамлади. 86-дақиқада Пизилли жарима майдони ичида тўпни илиб олиб, ўнг бурчакка аниқ зарба берди — 3:0.
Ушбу ғалабадан сўнг «Рома» 50 очко билан «Наполи» билан бирга 3-ўринни бўлишиб турибди. «Кремонезе» эса турнир жадвалининг пастки қисмида қолмоқда.
“Zamin”ни Telegram'да ўқинг!
