Англияда «Лестер» билан чемпионликни қўлга киритган тажрибали италиялик мураббий Клаудио Ранери Италия футболидаги энг катта муаммолар ҳақида фикр билдирди. Сўнгги йилларда А Серияси Европада энг кучлилар қаторида аввалгидек юқори баҳоланмаяпти: кўпинча учинчи ўрин атрофида тилга олинади, айримлар эса уни топ-5 лигалар ичида энг сусти деб ҳам ҳисоблайди. Бу ҳақда euro-football.ru хабар беради.
Ранери фикрича, муаммо икки йўналишда: молиявий имкониятларнинг етишмаслиги ва тизимдаги барқарор циклларнинг йўқлиги. «Бизда ҳам Англия, Германия ва Франция каби даврида катта, буюк футболчилар бўлган. Ҳозир эса бундай юлдузлар кам, бу терма жамоа ўйинларида ҳам яққол кўринади», — дея Ранерининг сўзларини келтиради pianetamilan.it.
Эслатиб ўтамиз, Италия терма жамоаси кетма-кет икки бор жаҳон чемпионатини ўтказиб юборган.
“Zamin”ни Telegram'да ўқинг!
