Хаби Алонсо “Ливерпул”га келса, илк трансфер нишони аниқ

Мадриднинг собиқ бош мураббийи Хаби Алонсо келаси мавсумдан бошлаб “Ливерпул”ни бошқариши мумкин. Бу ҳақда euro-football.ru хабар беради.

TEAMtalk хабарига кўра, испаниялик мутахассис инглиз клуби билан музокараларда ўз талабларини ҳам билдирган. Манбада айтилишича, агар Алонсо ёзда “қизиллар” бошқарувига келса, у “Реал” ярим ҳимоячиси Арда Гюлерни жамоага олиб келишни истамоқда.

Арда Гюлер 2023 йилда “Фенербахче”дан 26 миллион евро эвазига Мадрид клубига ўтганди. Туркиялик футболчининг “Реал” билан шартномаси 2029 йил 30 июнгача амал қилади. Жорий мавсумда у барча мусобақаларда 38 ўйинда майдонга тушиб, 3 гол урди ва 12 та голли узатма берди. Transfermarkt портали Гюлерни 90 миллион еврога баҳоламоқда.

Sardor Ergashev

«ZAMIN.UZ» муҳаррири