Италия футболининг собиқ юлдузи, «Парма» ва Миланнинг «Интер» жамоалари сафида тўп сурган Лейте Адриано 2004 йилги «Олтин тўп» масаласига қайтди. Бразилиялик футболчи ўша йили нуфузли совринга украиналик ҳужумчи Андрей Шевченко лойиқ кўрилганини адолатсиз қарор деб ҳисоблайди. Бу ҳақда euro-football.ru хабар беради.
Адрианонинг фикрича, ўша даврда у Шевченкодан кам ўйнамаган ва мукофотни қўлга киритишга тўлиқ ҳақли бўлган. «Мен ‘Олтин тўп’ни ютишим керак эди. Шевченко олди — албатта, баракалла, бироқ ўша пайтда мен ундан ёмон эмасдим. Балки менга ғалаба учун озгина тартиб-интизом етишмагандир. Аммо ўтмишни қайтариб бўлмайди», — дея Адрианонинг сўзларини pianetamilan.it келтиради.
«Император» лақаби билан танилган футболчи профессионал фаолиятини 2016 йилда якунлаган.
“Zamin”ни Telegram'да ўқинг!
