Аввал машҳур бўлган футболчи Александр Мостовой ПСЖ дарвозабони Матвей Сафонов ҳақида фикр билдирди. Унинг таъкидлашича, россиялик посбон Париж клубида берилаётган имкониятдан фойдаланишга ҳаракат қилмоқда. Бу ҳақда euro-football.ru хабар беради.
Шу билан бирга, Мостовой Сафоновнинг ўйинига аниқ баҳо бериш осон эмаслигини айтди. Сабаби ПСЖ каби кучли жамоада дарвозабон бир учрашувда атиги бир-икки марта синовдан ўтиши мумкин, бошқа клубларда эса дарвозага 20 марталаб зарба йўлланади. «Шунинг учун хулоса қилиш қийин, барибир нимагадир илишиб танқид қилиш мумкин», — деди у.
Чоршанба куни ПСЖ Чемпионлар лигасида ўз майдонида Монако билан 2:2 ҳисобида дуранг ўйнади. Икки учрашув натижасига кўра парижликлар 5:4 ҳисобида устун келиб, 1/8 финалга йўл олди. Кейинги босқичда ПСЖнинг рақиби Барселона ёки Челси бўлади.
“Zamin”ни Telegram'да ўқинг!
