Қишки трансфер ойнасида одатда катта шов-шувли битимлар кам бўлади ва бу галги рўйхатдан ўтказиш даври ҳам шу ҳолатни яна бир бор тасдиқлади. Шунга қарамай, Европанинг етакчи клублари айрим қизиқарли юришлар билан таркибини янгилашга улгурди. Бу ҳақда euro-football.ru хабар беради.
ФранцияЛига 1’да йирик трансферлар кўринмади, бироқ битта келишув барибир кўпчилик эътиборини тортди: амалдаги чемпион ПСЖ “Барселона”дан 18 ёшли иқтидорли ярим ҳимоячи Дро Фернандесни 8,2 млн евроға сотиб олди ва сотиб олиш опциясини ишга туширди.
“Монако” эса жароҳатлар ва муаммоларга қарамай қишда харид қилмаган бўлса-да, таркибни ижаралар орқали тўлдирди: ҳимоячи Ваут Фас “Лестер”дан, қанот футболчиси Симон Адингра эса “Сандерленд”дан вақтинча олиб келинди.
Қишда энг фаолроқ ҳаракат қилганлардан бири “Марсел” бўлди. Клуб марказий чизиқни кучайтириш учун дарҳол уч футболчини сотиб олди: Ҳимад Абделли (“Анже”, 2,75 млн евро), Квинтен Тимбер (“Фейеноорд”, 4,5 млн евро) ва Точукву Нади (Бельгия “Зюльте-Варегем”, 6 млн евро). Бундан ташқари, “Арсенал”дан 18 ёшли Итан Нванери ижарага олинди ва у илк ўйинлардanoq фойда келтира бошлади.
Италияда қишки бозор энг серҳаракат йўналиш бўлди. “Аталанта” ва “Интер” биттадан трансфер билан кифояланди: миланликлар “Модена”дан 23 ёшли ярим ҳимоячи Янис Массоленини 3,5 млн евроға олди ва уни ўша клубда ижарада қолдирди. Бергамоликлар эса Мадриднинг “Атлетико”сидан Дзякомо Распадорини 22 млн евроға харид қилиб, жиддий сармоя киритди.
“Ювентус” ва “Милан” янги харидлар бўйича эҳтиёткор йўл тутди. Турин клуби тўлиқ трансфер қилмаган бўлса-да, Эмил Холмни “Болонья”дан, Жереми Богани эса “Нитсса”дан ижарага олди. “Милан” эса “Вест Хем”дан ҳужумчи Никлас Фюллкругни ижарага олди, шунингдек “Верона”нинг 19 ёшли ҳужумкор ярим ҳимоячиси Алфаджо Сиссени 8 млн евроға сотиб олди.
“Наполи” бозорда анча аниқ режа билан ишлади: жамоа чемпионлик пойгасида ортда қолган бўлса ҳам, Чемпионлар лигасига йўлланма учун кураш ниятида ҳужум чизиғини янгилади. Неаполликлар Жиоаване (“Верона”, 2 млн евро), Лоренсо Лукка (“Удинезе”, 26 млн евро) ҳамда Алисон Сантосни (“Спортинг”, ижара) таркибга қўшди.
Испанияда “Реал” ва “Барселона” йирик харидларни ёзга қолдиргандек: қиш улар учун сокин ўтди. Каталонияликлар Саудия Арабистонининг “Ал-Ҳилол”идан Жоау Канселуни ижарага олди (у 2023/24 мавсумида ҳам жамоада ўйнаган), “Реал” эса умуман трансфер расмийлаштирмади.
Қишки бозорда “Атлетико” фаол бўлди, бироқ бу натижаларга дарҳол таъсир қилмади: февраль бошида мадридликлар Ла Лигадаги уч учрашувда атиги бир очко олиб, чемпионлик пойгасидан узоқлашди. Шунга қарамай, клуб Обед Варгасни (“Сиетл Саундерс”, 3 млн евро), Родри Мендосани (“Эльче”, 16 млн евро) ва Адемола Лукманни (“Аталанта”, 35 млн евро) сотиб олди. Симеоне айнан нигериялик футболчига катта умид боғлаётгани таъкидланмоқда.
АПЛда ҳам қишки трансферлар камтарона кечди. Энг қиммат харидни “Манчестер Сити” амалга оширди: “Борнмут” вингери Антуан Семеньони 72 млн евроға олиб келди. Шунингдек, “шаҳарликлар” марказий ҳимоя муаммосини ёпиш учун 25 ёшли Марк Гехига 23 млн евро сарфлади.
Харажатлар бўйича кейинги ўринда “Тоттенҳем” турди: лондонликлар Конор Галлахерни Мадриднинг “Атлетико”сидан 40 млн евроға сотиб олди, шунингдек Бразилиянинг “Сантос” клубидан 19 ёшли қанот ҳимоячиси Соузуни 15 млн евроға трансфер қилди.
“Арсенал”, “Челси”, “Ливерпул” ва “Манчестер Юнайтед” эса қишда янги футболчи олишдан тийилиб, мавсумни мавжуд таркиб билан якунлашга қарор қилди.
“Zamin”ни Telegram'да ўқинг!
