Москванинг «Спартак» клубида тўп сурган собиқ ҳимоячи, ҳозирда футбол эксперти сифатида фаолият юритаётган Эдуард Мор А Сериянинг 27-турида «Рома» ва Турин «Ювентус» ўртасидаги сермаҳсул учрашув ҳақида фикр билдирди. Беллашув 3:3 ҳисобида якунланди. Бу ҳақда euro-football.ru хабар беради.
Мутахассиснинг айтишича, ҳисоб 1:3 бўлиб турган пайтда у «Ювентус» бу ўйинни қутқара олмайди, деб ўйлаган. Шунга қарамай, туринликлар якуний дақиқаларда яна бир бор иродасини кўрсатиб, камбекка эришди. «Спаллетти жамоаси характер намоён этди. Жуда зўр ўйин», — деди Мор «Match TV» эфирида.
Ушбу натижадан сўнг «Рома» 51 очко билан Италия чемпионати жадвалида тўртинчи ўринда бормоқда. Лусиано Спаллетти бошчилигидаги жамоа эса 47 очко жамғарган ҳолда олтинчи поғонани эгаллаб турибди.
“Zamin”ни Telegram'да ўқинг!
